想分手又要唔捨得？
【Bonnie Man #女人像鹽: 想分手又要唔捨得？】
唔愛
開始敷衍
暗示想分手
唔提出分手又要逼你講
講咗分手又話唔捨得
係咪玩嘢啊𡃁仔？
分手本質未必係錯，但係你唔愛人又要拖住人就係唔啱！
分手本來就應該要夠狠，夠絕，甚至無情，對方先至能夠更快走出傷痛。最怕遇到明明分咗手又要返嚟關心自己，又話咩要俾啲時間佢諗下冷靜下，直到對方決心放棄嘅時候，你又要返嚟講啲”其實喺呢段時間我有啲掛住你”咁不負責任嘅說話，仲要扮到一副無辜樣...咁樣做真係極度自私，話佢人渣都嫌太大粒。
我明白去到某個時刻自己突然掉愛（背後當然有好多原因），要同自己曾經愛過嘅人講分手無人會想面對。但係有時候其實狠心係對對方最後嘅疼愛，係對呢段關係最大嘅誠實。你唔再愛一個人就要let go，唔好再晒人時間青春，並希望佢盡快搵到下一個幸福。當初你有勇氣對佢講我愛你承諾要永遠一齊，分手嘅時候都一定要有勇氣講返句對唔住，咁樣先至係一個有有始有終有承擔嘅人。
孫燕姿呢三句歌詞完全道出被拖著嘅心聲，有時你肯放手先係比對方重生嘅機會，共勉之。
現在分手總好過你不愛我一拖再拖
鬆開你的手離開你左右
我向前走 這會是我真正的解脫的
#分手要狠 #女人像鹽
Search